Ekimenak

2011ko abenduaren 22an, Gijonen erakusketa berezi bat inauguratu zen, Antonio Oteizak “La Guía” zeramika-lantegiarekin eta Alberto Estrada zeramistarekin 25 urtez izandako lankidetzaren harira. Testuinguru honetan aurkeztu zen Jose Antonio Samaniegok idatzitako liburua ere, Oteizaren Asturiasko lanari buruzkoa, Antonio Oteiza Fundazioaren laguntzaz eta babespean.

Fundazioaren liburutegia garatzeko jarraibideak jarraituz, 2011n Antonio Oteizak Galapago uharteei buruz idatzitako liburuaren ale guztiak eskuratu ziren, Madrilgo Tierra de Fuego argitaletxeak argitaratuak.

Aingeru kaleko Fundazioaren egoitza  Intsausti Jauregira aldatu zen, eta han Fundazioak erakusketa bat antolatu zuen lau sorta ezberdinekin: Maria de Agreda eta Frai Martin de Hinojosaren brontzezko erliebeak (2009ko “Gizonaren Aldiak” erakusketatik etorriak) eta Kristoren aurpegiari eta Gurutzeari buruzko bi pintura-sorta.

Marco Ginerren zeramika-lantegietan, Antonio Oteizak portzelanazko obra garrantzitsuak sortu zituen, Gaudiri eskainitako lehen sorta. Ginerren laguntzaz, “Oteiza Gaudí” argitalpenerako testuak prestatu ziren. 2011ko azaroaren 2an, Marco Giner Fundazioan izan zen bisitan, Luciano Soralucek Oteizaren izenean hartu zuelarik. Uneotan, hurrengo ekintzak elkarrekin prestatzen ari dira.

Uztailaren 6an, 19:30ean, «Antonio Oteiza, idazlea» hitzaldia emango du Jose Antonio Samaniegok. Oteizaren biografo eta katalogatzailea ez ezik, La Nueva España egunkariko arte kritikaria ere bada Samaniego.

Donostian eginiko egonaldia eta erakusketaren ondoren, Antonio Oteizak Reusera bidaiatu zuen laguntzaileekin batera, Joan Figuerola arkitektoak eta Neus Segría zeramistak bultzatutako proiektu bat gauzatzeko: Gaudiri eskainitako erliebe sorta bat. Bidaia hartan Jordi Faulí eta Jordi Bonet ere bildu ziren, “Sagrada Familia”-ko berritze-proiektuaren arduradunak, elkarlan aukerak aztertzeko. Gaur egun, hogeita hamar piezen esmaltea azken txanpan da […]